Strict Standards: Declaration of ezSQL_mysql::query() should be compatible with ezSQLcore::query() in /home/ebookita/public_html/ezsql/mysql/ez_sql_mysql.php on line 263

Strict Standards: Declaration of ezSQL_mysql::escape() should be compatible with ezSQLcore::escape() in /home/ebookita/public_html/ezsql/mysql/ez_sql_mysql.php on line 263
Le Baruffe Chiozzotte

Le Baruffe Chiozzotte

Carlo Goldoni

Teatro, Romantico, Drammatico

 

Torna alla scheda dell'ebook.

 


Estratto dall'ebook:

 

SCENA I

Strada con varie casupole.
PASQUA e LUCIETTA da una parte. LIBERA, ORSETTA e CHECCA dall’altra.
Tutte a sedere sopra seggiole di paglia, lavorando merletti su i loro cuscini posti ne’ loro scagnetti.

 

LUCIETTA:

    Creature, còssa diséu de sto tempo?

ORSETTA:

    Che órdene xélo?

LUCIETTA:

    Mo no so, varé. Oe, cugnà, che órdene xélo?

PASQUA:

    (a Ors.) No ti senti, che boccon de sirocco?

ORSETTA:

    Xélo bon da vegnire de sottovènto?

PASQUA:

    Si bèn, si bèn. Si i vien i nostri òmeni, i gh’ha el vento in pòppe.

LIBERA:

    Ancùo o doman i doveràve vegnire.

CHECCA:

    Oh! bisogna donca, che spèssega a laorare; avanti che i vegna, lo voràve fenire sto merlo.

LUCIETTA:

    Di’, Chècca: quanto te n’amanca a fenire?

CHECCA:

    Oh! me n’amanca un brazzo.

LIBERA:

    (a Checca) Ti laóri molto puoco, fia mia.

CHECCA:

    Oh! quanto xé che gh’ho sto merlo su sto balón?

LIBERA:

    Una settemana.

CHECCA:

    Ben! una settemana?

LIBERA:

    Destrìghete, se ti vuol la carpètta.

LUCIETTA:

    Oe, Checca, che carpètta te fàstu?

CHECCA:

    Una carpètta nióva de caliman.

LUCIETTA:

    Dasséno? Te mèttistu in donzelón?

CHECCA:

    In donzelón? No so miga còssa che vòggia dir.

ORSETTA:

    Oh che pandòla! Non ti sa, che co una putta xé granda, se ghe fa el donzelón: e che co la gh’ha el donzelón, xé segno che i soi i la vuòl maridare.

CHECCA:

    (a Libera) Oe, sorèla!

LIBERA:

    Fia mia.

CHECCA:

    Me voléu maridare?

LIBERA:

    Aspetta, che vegna mio marìo.

CHECCA:

    Donna Pasqua: mio cugnà Fortunato no xélo andà a pescare co paron Toni?

PASQUA:

    Sì, no lo sàstu, che el xé in tartana col mio paron e co Beppe so fradelo?

CHECCA:

    No ghe xé anca Titta-Nane co lori?

LUCIETTA:

    (a Checca) Sì ben: còssa voréssistu dire? Còssa pretenderàvistu da Titta-Nane?

CHECCA:

    Mì? Gnente.

LUCIETTA:

    No ti sa che xé do anni che mi ghe parlo? E che co ’l vien in terra, el m’ha promesso de darme el segno?

CHECCA:

    (da sé) (Malignaza culìa! La i vól tutti per ela).

ORSETTA:

    Via, via, Luciètta, no star a bacilare. Avanti che Checca mia sorela se maride, m’ho da maridare mì, m’ho da maridare. Co vegnirà in terra Beppe, to fradelo, el me sposerà mì, e se Titta-Nane vorà, ti te poderà sposare anca tì. Per mia sorèla, gh’è tèmpo.

CHECCA:

    (ad Orsetta) Oh! vù, siora, no voressi mai che me maridasse.

LIBERA:

    Tasi là; tendi al to laorière.

CHECCA:

    Se fusse viva mia donna mare..

LIBERA:

    Tasi, che te trago el balón in coste.

CHECCA:

    (da sé) (Sì, sì, me vòggio maridare, se credesse de aver da tióre un de quei squartai, che va a granzi).

 

Questo è un estratto dall'ebook "Le Baruffe Chiozzotte".
Puoi acquistare l'ebook da una delle librerie online elencate qui sotto.

 

"Le Baruffe Chiozzotte" è in vendita nelle librerie online:

Amazon / Kindle
Apple iBookstore / iPad
Barnes&Noble / Nook
Cubolibri
eBookizzati
Google Play
KoboBooks
La Feltrinelli
Libreria Universitaria
Mondadori / Kobo
SanpaoloStore
UltimaBooks
Webster


Torna alla scheda dell'ebook.

 

Prezzo: € 0,99


 

Questo ebook "Le Baruffe Chiozzotte" sui tablet: